Ministri i Jashtëm iranian: Irani mirëpret përpjekjet diplomatike kineze për të ulur tensionet me SHBA-të

Ministri i Jashtëm iranian, Abbas Araghchi tha se Irani do të mirëpriste çdo përpjekje diplomatike nga Kina për të ulur tensionet në konflikt me Shtetet e Bashkuara.

“Çdo përpjekje e bërë nga kinezët për të mbështetur diplomacinë do të mirëpritet nga Republika Islamike e Iranit”, tha ai në një konferencë për shtyp në New Delhi.

Ka pasur pyetje se çfarë mbështetjeje prapa skenave, mund të jetë i gatshëm të ofrojë Pekini për të ndihmuar në përfundimin e konfliktit disamujor SHBA-Izrael me Iranin, i cili e ka futur ekonominë globale në trazira pa një qëllim të qartë përfundimtar.

Kina është një partnere e ngushtë diplomatike e Iranit dhe blerësi kryesor i naftës së tij dhe e ka paraqitur veten si mbështetëse e paqes gjatë gjithë luftës. Kjo ishte një temë kryesore diskutimi midis udhëheqësit kinez Xi Jinping dhe Presidentit të SHBA-së Donald Trump gjatë vizitës së udhëheqësit amerikan në Pekin.

Araghchi tha se përpjekjet e Pakistanit për ndërmjetësim nuk kishin dështuar, por po përballeshin me një rrugë shumë të vështirë kryesisht për shkak të sjelljes amerikane.