Ministri Tahiri dhe Bushati në Vjenë, takim për luftën kundër terrorizmit

Ministri i Brendshëm Saimir Tahiri dhe Ministri i Jashtëm Ditmir Bushati, marrin pjesë në konferencën e Ministrave të Brendshëm dhe të Jashtëm të Ballkanit dhe BE, në Vjenë, Austri, në kuadër të luftës kundër terrorizmit. Në takim merr pjesë edhe Komisioneri për Sigurinë në BE, Avramopulos.

Ministri Tahiri, komisioneri i BE për sigurinë Avramopulos, Ministri i brendshëm austriak dhe Ministri i Jashtem serb Ivica Daçiç, kanë dhënë një konferencë të përbashkët për shtyp

Konferenca pas takimit të Ministrave të Brendshëm dhe të Jashtëm të Ballkanit dhe të BE mbi çështjen e luftës kundër terrorizmit. Ministri Tahiri u shpreh gjatë kësaj konference se forcimi i demokracisë dhe shtetit ligjor, janë themelore në luftën kundër terrorizmit.

“Duhet të bashkëpunojmë për të mbrojtur vlerat e përbashkëta. Roli dhe angazhimi i Shqipërisë, kryesor në rajon. Shqipëria është një vend me harmoni fetare shembullore

Duhet të përballojmë rreziqet duke bashkëpunuar. Forcimi i demokracisë dhe shtetit ligjor janë themelore në luftën kundër terrorizmit. Shqipëria ka bërë hapa para në luftën kundër terrorizmit, ndërsa bashkëpunimi me partnerët është i shkëlqyer. Kemi krijuar grupe hetimore të përbashkëta me Italinë e Kosovën ndërkohë që mirëpresim krijimin e këtyre grupeve edhe me vendet e tjera”, tha Tahiri.