Misioni britanik në Arabinë Saudite lëshon alarm për qytetarët pas sulmeve të Huthi-t ndaj aeroporteve

Misioni britanik në Arabinë Saudite u bëri thirrje qytetarëve britanikë të ndjekin këshillat e udhëtimit mes sulmeve të fundit të Huthi-t ndaj infrastrukturës civile nga Jemeni, duke njoftuar se tre persona u plagosën në sulmet ndaj aeroporteve në Jizan dhe Najran, siç njofton Al Jazeera në liveblog-un e saj për luftën me Iranin.

Alarmi vjen pas një vale sulmesh me raketa balistike dhe dronë të Huthi-t ndaj qyteteve dhe aeroporteve saudite, përfshirë sulmet ndaj aeroporteve në Jazan dhe Najran që janë dënuar sot edhe nga Liga Arabe, Ministria e Jashtme e Jemenit dhe kabineti i Kuvajtit.

Autoritetet britanike i bashkohen kështu një sërë qeverish që kanë lëshuar paralajmërime për shtetasit e tyre në rajon, ndërsa luftimet në Jemen po përshkallëzohen me ofensivën “Agimi i Jemenit” të forcave qeveritare kundër Huthi-t dhe kundërpërgjigjen e grupit me sulme drejt territorit saudit.

Koalicioni i udhëhequr nga Arabia Saudite ka njoftuar se i ka ndërprerë dhe shkatërruar raketat e lëshuara drejt qyteteve saudite, por sulmet e vazhdueshme mbajnë të lartë rrezikun për civilët dhe infrastrukturën në jug të mbretërisë.