Modric i thotë “po” Milanit edhe për sezonin tjetër, por vetëm nëse plotësohen këto dy kushte specifike

Luka Modric është i gatshëm të qëndrojë edhe për një sezon tjetër te Milan. Kroatit i mbaron kontrata në 30 qershor, por ka mundësinë për rinovim dhe për një vit tjetër.

CalcioMercato zbulon se Modric ka shprehur pëlqimin e tij për të vazhduar te Milan, por më parë duhet të plotësohen dy kushte specifike. I pari, është kualifikimi në Champions League, gjë që mund të arrihet deri sot, nëse Milan fiton në mbrëmje ndaj Cagliari-t.

Kushti i dytë i vendosur nga Modric, ka të bëjë me qëndrimin e Max Allegri-t si trajner edhe për sezonin e ri. Lidhja midis tyre është aq e thellë sa Modric është përmendur si një anëtar i mundshëm i ardhshëm i stafit të trajnerëve të Allegrit, pasi të vendosë të varë këpucët në gozhdë.