Mourinho i bën nderin e madh Juventusit, ylli i Real Madridit nuk bën pjesë në projektin e tij

Pas zyrtarizimit si trajneri i ri i Real Madridit, Jose Mourinho ka nisur direkt nga puna për të bërë ndryshimet e para në skuadër. Një nga dilemat e mëdha gjithë këto kohë ka qenë në lidhje me të ardhmen e Brahim Diaz.

Marokeni ka luajtur një rol dytësor në sezonin e fundit, duke kontribuar me vetëm 2 gola dhe 9 asiste. A i ka luajtur 1666 minuta, duke mos qenë një titullar i rregullt.

Sipas AS, Mourinho ka vendosur që tani për fatin e marokenit. Brahim Diaz nuk bën pjesë në projektin e ri të “The Special One”, ndaj ai mund të largohet.

Për Diaz ka një interes të madh nga Juventus. Problem për bardhezinjtë është paga e majme e lojtarit dhe mbi të gjitha çmimi i kërkuar nga Real Madrid, që mendohet të jetë rreth 50 milionë euro.