Mourinho nuk mjaftohet vetëm me Konate dhe Dumfries, kërkon një tjetër mbrojtës për 65 milionë euro

Pasi Florentino Perez u rizgjodh presidenti i Real Madridit, Jose Mourinho pritet të zyrtarizohet brenda kësaj jave si trajneri i ri i “Los Blancos”. Tashmë, Real Madrid i ka kryer dy përforcimet e para të kërkuar nga Mourinho, transferimi i Denzel Dumfries për 20 milionë euro dhe ai i Ibrahima Konate, i cili do të vijë falas.

Megjithatë, Mourinho nuk mjaftohet vetëm me kaq për të forcuar mbrojtjen. “The Special One” ka kërkuar nga Perez edhe transferimin e Castello Lukeba, qendërmbrojtësit 23-vjeçar të Leipzig, objektiv për shumë klube të mëdha.

Oferta e parë e Real Madridit do të jetë 65 milionë euro sipas asaj që zbulon AS, ndërsa pretendimi i Leipzig është për shifrën 80 milionë euro. Për francezin ka interes konkret edhe nga Barcelona, pasi ai pëlqehet shumë nga Flick.