Mundësit e Maqedonisë në Samitin e NATO-s

Maqedonia mund të shpresojë vetëm që në konkluzionet e Samitit të riafirmohet politika e dyerve të hapura të NATO-s, si dhe të përsëritet vendimi i Bukureshtit. Një gjë të tillë e kanë konfirmuar ambasadorët e shteteve anëtarë të Aleancës së Atlantikut të Veriut në Shkup.

Ftesë për Maqedoninë në NATO mund të ketë vetëm kur të zgjidhet kontesti i emrit me Greqinë, raporton Tetova1.

Burime diplomatike hodhën poshtë gjithashtu zërat për mundësinë e ndryshimit të strategjisë së NATO-s për pranimin e anëtarëve të reja në kohën kur kufijtë e Aleancës kërcënohen nga kriza në Ukrainë, madje edhe në kohën kur Maqedonia ballafaqohet me një situatë të rëndë politike, ekonomike dhe sigurie.