Mungesa e ujit, Shqipëria jashtë zonës së rrezikut

“Pamjaftueshmëria e ujit është ndërruar në një problem global që na prek të gjithëve”. Kështu bën të ditur studimi i Forumit Ekonomik Botëror, i cili duke analizuar të dhënat mbi furnizimin me ujë në “Global Risk Report 2016” , krijon hartën botërore me zonat e rrezikut.

Nga kjo hartë, Shqipëria ndodhet në nivelin e blertë (shiko hartën me ngjyra), sipas të cilës nuk rrezikohet nga furnizimi me ujë, në të njëjtat nivele me rajonin. Zonat më problematike botërore shfaqen India dhe Kina, në të cilat gjysma e popullsisë përballen me pamjaftueshmërinë e ujit.

Raporti thekson se qeveritë duhet të ndërmarrin reforma për të adresuar këtë problem, sipas të cilëve do të jetë një ndër sfidat kryesore të këtij shekulli.