Mustafa në Akademi Përkujtimore: Duhet ta themelojmë Specialen

Kryeministri i Kosovës, Isa Mustafa deklaroi se duhet të tregohemi të gatshëm për t’i përmbushur obligimet ndërkombëtare dhe në asnjë mënyrë mos të paragjykohet lufta e pastër të UÇK-së.

Ai këto komente i bëri në akademinë përkujtimore kushtuar luftëtarëve të lirisë, të rënë në betejën e lavdishme të Loxhës, ku tha se kjo betejë shquhet për organizim ushtarak dhe bashkëpunim me banorët e asaj pjese.

“Këta miq na inkurajojnë që zbardhim vrasjet e pretenduara. Kosova është e aftë të ndërtojë shtet të së drejtës dhe veç kërkesës për të zbardhur vrasjet e pretenduara gjatë luftës, ne duhet të zgjedhim të gjitha vrasjet politike të pasluftës, në mënyrë që Kosova të lirohet nga kjo barrë”, ka thënë Mustafa.