Muzeu “Marubi” në Shkodër, pjesë e Rete Fotografia, rrjeti ndërkombëtar i fotografisë

Muzeu kombëtar i fotografisë “Marubi” në qytetin e Shkodrës bëhet pjesë e Rete Fotografia, një rrjet ndërkombëtar i themeluar në vitin 2011 në Milano nga një bashkësi institucionesh dhe organizatash aktive në fushën e fotografisë italiane. Muzeu shprehet se ky rrjet synon të krijojë lidhje dhe bashkëpunime midis enteve publike dhe private, duke promovuar dhe zhvilluar fotografinë përmes një kulture kritike gjithnjë e më të gjerë, të përditësuar dhe cilësore.

Muzeu kombëtar i fotografisë “Marubi” në qytetin e Shkodrës bëhet pjesë e Rete Fotografia, një rrjet ndërkombëtar i themeluar në vitin 2011 në Milano nga një bashkësi institucionesh dhe organizatash aktive në fushën e fotografisë italiane. Muzeu shprehet se ky rrjet synon të krijojë lidhje dhe bashkëpunime midis enteve publike dhe private, duke promovuar dhe zhvilluar fotografinë përmes një kulture kritike gjithnjë e më të gjerë, të përditësuar dhe cilësore.

“E themeluar në vitin 2016, Rete Fotografia organizon takime, konferenca, seminare dhe aktivitete profesionale për anëtarët, ndërsa njëkohësisht angazhohet në promovimin e kulturës fotografike për një publik sa më të gjerë, përmes nismave si “Una Rete in Viaggio” dhe “Archivio Aperti”. “Pjesëmarrja e Muzeut Kombëtar të Fotografisë “Marubi” në këtë rrjet përbën një rast përjashtimor për një institucion shqiptar, duke e vendosur atë në një kontekst të rëndësishëm ndërkombëtar bashkëpunimi dhe shkëmbimi profesional.

Ky është një hap i madh në promovimin e trashëgimisë fotografike shqiptare!”, thuhet nga muzeu në qytetin e Shkodrës. Muzeu kombëtar i fotografisë “Marubi”, është institucioni kombëtar përgjegjës për përzgjedhjen, ruajtjen, konservimin dhe promovimin e trashëgimisë së pasur fotografike të familjes Marubi. Më 9 maj të vitit 2016, me koleksionet e Fototekës Marubi u inaugurua muzeu kombëtar i fotografisë “Marubi” në qytetin e Shkodrës. Në këtë muzeu gjithashtu hapen dhe ekspozita, si dhe zhvillohen dhe aktivitete të ndryshme.