Komisioneri i BE-së për energjinë: Po diskutojmë me SHBA-në dhe IEA-n se kur të lëshohen rezervat e dizelit

Komisioneri i BE-së për energjinë, Dan Jorgensen, tha të premten se blloku po diskuton me të gjithë anëtarët e Agjencisë Ndërkombëtare të Energjisë (IEA), jo vetëm me Shtetet e Bashkuara, se kur është koha për të lëshuar rezervat e dizelit, siç njofton Al Jazeera në liveblog-un e saj për luftën SHBA–Iran.

“Kjo është një nga mundësitë që kemi, e kemi përdorur më parë dhe ka shumë gjasa ta përdorim sërish,” tha Jorgensen për Euronews.

Të dhënat e publikuara nga Komisioni Evropian tregojnë se 12 shtete anëtare të BE-së, përfshirë Italinë, Belgjikën, Rumaninë dhe Poloninë, kanë regjistruar çmime rekord të të gjitha kohërave për dizelin që nga fillimi i luftës së SHBA-së me Iranin.

Diskutimi vjen pas thirrjes së presidentit amerikan Donald Trump drejtuar Evropës për të hapur menjëherë rezervat strategjike të dizelit për të ulur çmimet, ndërsa kriza e furnizimit vazhdon të rëndojë mbi ekonomitë evropiane.