“National Interest”: Shqipëria ka nevojë për ndihmën e Amerikës.
Revista prestigjioze amerikane “National Interest” shkruan për Shqipërinë se vendi ynë “e ka provuar miqësinë e saj ndaj SHBA-ve” dhe se “tashmë është koha që SHBA të qëndrojë pranë miqve të saj të vegjël në momente të vështira”.
“Pavarësisht përmasës së vogël të vendit dhe vendndodhjes së tij strategjike, angazhimi i SHBA-ve në rajon dhe veçanërisht në Shqipëri duhet të mbetet i qëndrueshëm, afatgjatë dhe sistematik në promovimin e paqes, sundimit të ligjit, kontrollit të kufijve dhe zhvillimit ekonomik. Ndërsa mbetet e fokusuar tek lojtarët kryesorë rajonalë dhe globalë, SHBA nuk duhet të harrojë miqtë e saj. Edhe nëse të vegjël në përmasë, vendndodhja dhe roli i tyre në parandalimin dhe kontrollin e valës së paprecedentë të migracionit”, lexohet në revistën për të cilën ka folur edhe kryeparlamentari Ilir Meta.
“Shqipëria nuk do të ndërtojë as gardhe dhe as mure, por do të duhet të kemi kontroll të fortë mbi kufijtë tanë dhe të bashkëpunojmë ngushtë me BE-në dhe partnerët rajonalë për të qenë pjesë e një plani evropian për adresimin e kësaj sfide”, theksoi Meta.
Në lidhje me terrorizmin, Meta tha: “Shqipëria është e angazhuar në luftën globale kundër terrorizmit dhe është ndër vendet e para që iu bashkua përpjekjeve ndërkombëtare kundër ISIS-it. Shqipëria ka krijuar Drejtorinë Anti-Terror në Ministrinë e Brendshme, një nga strukturat më moderne në rajon”.
