Ndalohen pesë shtetas të Turqisë në Shkup

Policia ka arrestuar pesë shtetas turq në territorin e komunës së Aerodromit për qëndrim të parregullt në vend, bën të ditur Ministria e Punëve të Brendshme.

Aksioni është zhvilluar nga ora 09:00 deri në orën 12:00 nga nëpunës policorë të SPB Shkup, duke vepruar sipas planit të shërbimit për lajmërim – çlajmërim për muajin qershor.

Siç informon MPB, janë privuar nga liria M.E.S. (19), P.S. (23), J.S. (19), D.G. (25) dhe B.T.B. (20), të gjithë shtetas të Republikës së Turqisë.

Pas dokumentimit të rasteve, ndaj tyre do të parashtrohen kallëzime përkatëse.