Ndërprerja e energjisë, OSHEE: Dëmtime në rrjet për shkak të punimeve

OSHEE thotë se shkaku kryesor i ndërprerjeve të energjisë në kryeqytet gjatë këtyre ditëve është dëmtimi i rrjetit si pasojë e punimeve në infrastrukturë që po kryejnë kompani publike përmes kontraktorëve privatë. 

 “9 të tilla në Kamëz dhe Paskuqan, Ali Dem, dje në rrugën e Kavajës për shkak të punimeve që po kryen ujësjellësi përmes kompanive kontraktore”, thotë Klevis Jahaj/ Drejtor i OSHEE Tiranë.

Për të menaxhuar këtë situatë, OSHEE ka ngritur një task forcë të përbashkët me Bashkinë e Tiranës. Operatori u kërkon kompanive të kërkojnë asistencën e ekpertëve të saj kur kryejnë punime, në mënyrë që të shmanget dëmtimi i rrjetit.

“U bëjmë thirrje jo vetëm ujësjellësit por edhe firmave të tjera kontraktore që të pajisen me azhornimin e rrjetit dhe të marrin kontakte me OSHEE në, që grupi në formë task force të jetë prezent për të shmangur situatat e ndërprerjes së furnizimit me energji”, tha Jahaj.

OSHEE thotë se do t’i kërkojë këshillit të ministrave parashikimin e sanksioneve të forta ndaj kompanive që dëmtojnë asetet e OSHEE-së.