Ndërron jetë në spital 34-vjeçari i aksidentuar në Panaja-Novoselë

Ka ndërruar jetë në Spitalin Rajonal të Vlorës 34-vjeçari që u aksidentua paraditen e sotme në aksin Panaja-Novoselë.

I riu nuk ka mundur t’u mbijetojë plagëve të marra, pavarësisht ndërhyrjes dhe përpjekjeve të mjekëve për t’i shpëtuar jetën.

Ai ishte transportuar me urgjencë në spital pas aksidentit të ndodhur në vendin e quajtur “Shamogjin”, ku humbi kontrollin e automjetit dhe u përplas me murin anësor të një banese.

“Rreth orës 11:10, në aksin rrugor “Panaja-Novoselë”, shtetasi A. H., 34 vjeç, banues në Novoselë, duke drejtuar automjetin, dyshohet se ka humbur kontrollin dhe si pasojë automjeti ka dalë nga rruga dhe është përplasur me një mur. Shtetasi A. H. është dërguar në spital, por ka humbur jetën“, njoftojnë blutë.

Policia po vijon hetimet për zbardhjen e plotë të rrethanave të ngjarjes.

/tvklan.al