Në rast se nuk gjen gjuhën me një klub elitar në Europë, Leao është gati të marrë vendimin drastik

Në fund të sezonit të kaluar, Rafael Leao vendosi të largohej nga Milan, edhe pse kontrata aktuale i skadon në qershor të vitit 2028. Ndërkohë, Milan bëri me dije javën e kaluar se Leao do të largohet vetëm për një çmim 60-70 milionë euro.

Dëshira e sulmuesit është të transferohet në Premier League ose në La Liga, por interesi për të është i vakët, pas çmimit të kërkuar nga Milan.

Dy klubet më të përfolura për momentin janë Tottenham dhe Barcelona, por asnjëra prej tyre nuk ka dërguar ofertë zyrtare ose të nisë negociatat.

Ndërkohë, Fabrizio Romano përmes SOSFanta, bën me dije se portugezi është i vendosur për largimin nga Milan. Edhe nëse mungojnë ofertat brenda Europës, Leao do të largohet drejt Arabisë Saudite, aty ku interesi për të është i jashtëzakonshëm.