Nedim Bajrami largohet nga Rangers, huazohet te Al-Taawoun

Nedim Bajrami, ka kompletuar largimin e tij nga Rangers me destinacion Pro League Saudite.

Mesfushori kuqezi i është bashkuar Al-Taawoun për sezonin 2026/27 pasi u informua se nuk do të kishte asnjë rol për të luajtur nën drejtimin e Derek McInnes këtë sezon.

Bajrami, 27 vjeç, largohet në formë huazimi, ndërkohë që një opsion blerjeje, 2.5 milionë euro, është përfshirë në marrëveshje.

Klubi saudit do të mbulojë pagën e mesfushorit gjatë gjithë kohëzgjatjes së huazimit të tij.

Në një deklaratë, Rangers theksoi: “Sot mund të konfirmojmë se Nedim Bajrami i është bashkuar Al-Taawoun në një marrëveshje huazimi, me opsionin për ta bërë transferimin të përhershëm verën e ardhshme.

Të gjithë te Rangers i urojnë Nedimit gjithë të mirat për kohën e tij në huazim”.