Negociatat për zgjedhjet lokale, Rama takon sot Idrizim, ja 5 bashkitë që kërkojnë çamët
Kreu i qeverisë, njëherësh lideri i PSsë, Edi Rama do të takohet sot në orën 14.00 me kreun e PDIUsë, Shpëtim Idrizi, në kuadër të negociatave për zgjedhjet lokale të 21 Qershorit.
Lajmi bëhet i ditur nga Gazeta Panorama, e cila shton se në qendër të këtij takimi pritet të jetë zyrtarizmi i koalicionit mes dy forcave politike për zgjedhjet vendore.
Kreu i PDIUse, Idrizi e ka lënë të hapur mundësinë për koalicion, duke vënë
kusht kërkesën për 5 bashki në garën vendore. Bashkitë e kërkuara nga PDIUja janë: Rrogozhinë, Patos, Konispol, Peqin, Shijak.
Pak ditë më parë, PDIUja mandatoi kryetarin e saj, Shpëtim Idrizi, për të negociuar me PSnë dhe PDnë për zgjedhjet vendore të 21 qershorit. Këshilli Kombëtar i kësaj partie, i kërkoi Idrizit që në bashkëpunim me Grupin Parlamentar, të përbërë nga 5 deputetë, të gjejë formulën më të mirë të bashkëpunimit me njërën nga partitë e mëdha për të pasur një përfaqësim në pesë qarqe ku PDIU ka fituar deputetët e saj.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.