Nëse Bastoni nuk vjen, Barcelona ka alternativën: Natan i Betis me klauzolë 35 mln euro

Barcelona e ka vendosur si prioritet veror transferimin e Alessandro Bastoni-t, por klubi po shqyrton edhe zgjidhje të tjera nëse negociatat dështojnë. Një nga emrat në listë është Natan, qendërmbrojtësi brazilian i Betis, i cili për momentin shihet si një opsion i besueshëm dhe më i arritshëm financiarisht.

Sipas telesport, Natan është nën kontratë me Betis deri në vitin 2030 dhe ka një klauzolë largimi prej 35 milionë eurosh, ndërsa vlera e Bastoni-t llogaritet rreth 70 milionë euro, çka e bën brazilianin një alternativë më të përballueshme. Në listën e të interesuarve për pozicionin qendërmbrojtës figurojnë edhe emra si Cristian Romero, John Stones dhe Gleison Bremer.

Klubi katalanas vlerëson gjithashtu përshtatshmërinë e lojtarëve me skemën e trajnerit, dhe Natan konsiderohet si një profil që mund të përshtatet me idetë taktike që po promovohet në Camp Nou. Vendimi përfundimtar do të varet nga zhvillimet e merkatos dhe nga opsionet që do të jenë të realizueshme në aspektin financiar dhe sportiv.

Në rast se negociatat me Bastoni nuk realizohen, Barcelona pritet të përqendrohet tek alternativa më të qëndrueshme ekonomikisht, përfshirë ofertën potenciale për Natan, raporton telesport.