Nëse themelohet Specialja, EULEX-i e mbyllë Task forcën për krime të luftës

Nëse Kuvendi i Kosovës do t’i miratojë ndryshimet Kushtetuese që i hapin rrugë themelimit të Gjykatës Speciale, Task Forca për hetimin e krimeve të pretenduara gjatë luftës në Kosovë që është në kuadër të EULEX-it do të mbyllet.

Kështu tha shefi i EULEX-it, Gabriele Meucci, i cili shtoi se EULEX dhe Gjykata Speciale nuk do të kenë asgjë të përbashkët.

“Nëse Kuvendi i Kosovës i miraton ndryshimet kushtetuese, Task forca dhe Dhomat e specializuara do të jenë pjesë e sistemit kosovarë dhe jo të EULEX-it… EULEX do ta mbyllë Task forcën për hetimin krimeve të luftës, nëse krijohet Specialja”, tha Meucci.

Ai këto komente i bëri me gjatë dhurimit të 15 veturave për Doganën e Kosovës.