⛈️
Tiranë 15°C · Stuhi 16 Nëntor 2026
S&P 500 7,409 ▼2.02%
DOW 51,567 ▼1.49%
NASDAQ 24,502 ▼2.52%
NAFTA 85.65 ▼3.29%
ARI 3,868 ▼0.47%
💱 VALUTAT
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
₿ CRYPTO
BTC $64,800 ▼ -0.26% ETH $1,813 ▼ -0.72% XRP $0.9544 ▼ -0.56% SOL $71.0300 ▼ -1.03%
S&P 500 7,409 ▼2.02 % DOW 51,567 ▼1.49 % NASDAQ 24,502 ▼2.52 % NAFTA 85.65 ▼3.29 % ARI 3,868 ▼0.47 % S&P 500 7,409 ▼2.02 % DOW 51,567 ▼1.49 % NASDAQ 24,502 ▼2.52 % NAFTA 85.65 ▼3.29 % ARI 3,868 ▼0.47 %
EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734 EUR/USD 1.1030 EUR/GBP 0.8345 EUR/CHF 0.9254 EUR/ALL 90.7316 EUR/MKD 61.4970 EUR/RSD 117.6153 EUR/TRY 55.5638 EUR/JPY 176.23 EUR/CAD 1.5734
16 Nën 2026
Breaking
Kosova

Nga Amerika në Kosovë për të zbardhur dy vdekjet e dyshimta në Gjakovë

Veprimtari shqiptaro-amerikan, Haki Dervishi, ka kërkuar drejtësi dhe zbardhjen e dy rasteve të vdekjeve të dyshimta që kanë ndodhur në Gjakovë gjatë vitit 2022.

Në një konferencë të jashtëzakonshme për media të mbajtur në Prishtinë, Dervishi ka folur për vdekjen e dyshimtë të vëllait të tij, Hysen Dervishi, por edhe për një rast tjetër të një gruaje, për të cilën dyshon se mund të ketë lidhje me rrethanat e vdekjes së vëllait të tij.

Ai ka thënë se interesimi i tij për rastin e gruas është shtuar pasi ka zbuluar një varr pa shenja identifikuese, pranë shtëpisë së tij.

“Hasa një varr, afër shtëpisë time i bërë rrafsh me tokën, pa kurrfarë shenje të varrit, pos një druri vertikal. Jam interesuar se çfarë është ai rast. Më kanë thënë se një grua e ka varur veten, sepse ka bërë ‘imoralitet’. Por kjo nuk ka qenë e vërtetë. Jam i interesuar më shumë tash për atë grua sesa për vëllanë, sepse për vëllanë avokatja dhe i dërguari nga Kongresi amerikan e kryejnë punën”, ka deklaruar Dervishi.

Ai ka thënë se për gruan në fjalë ka ndërtuar vetë një varr, duke shprehur dyshime për mënyrën se si është trajtuar dhe raportuar rasti i vdekjes së saj.

“Për vëllanë tim gjërat nuk janë më të fshehta. Por për atë grua pa varr jam i interesuar. Për atë grua, që ia kam ndërtuar unë varrin dhe i kam treguar se gjërat nuk janë siç janë thënë. E gjithë zona e di aty se çfarë është bërë. Më shumë jam i interesuar të vërtetoj çështjen e asaj gruaje, të cilën nuk e njoh, as vëllai im nuk e ka njohur”, ka thënë ai.

Dervishi ka theksuar se beson që zbardhja e së vërtetës do t’i ndihmonte edhe personat e tjerë që mund të kenë informacione, por që hezitojnë të flasin nga frika.

“Unë mendoj se e vërteta do të na lirojë edhe neve, edhe të tjerët që ndoshta e dinë të vërtetën, por kanë frikë të flasin”, është shprehur ai.

Gjatë konferencës, Dervishi i është kthyer edhe rastit të vdekjes së vëllait të tij, duke pretenduar se policia ka manipuluar provat dhe ka fshehur të vërtetën për rrethanat e vdekjes.

“Është shumë tronditëse. I kam fotografitë e vëllait se si policia ka fshehur të vërtetën. Kanë deklaruar se dy makina e kanë shkelur sipër, por ai nuk ka asnjë shenjë se i ka kaluar makina mbi trup. Pas shumë kohe, kur kam ardhur në shtëpi, e kam parë biçikletën që pretendohet se është aksidentuar. Kam pyetur kush e ka sjellë biçikletën në shtëpi dhe nuk kam marrë përgjigje. Më vonë kam mësuar se biçikletën në shtëpi e ka sjellë një polic”, ka shtuar ai.

Sipas Dervishit, një tjetër element që ka ngritur dyshime tek ai është gjendja e biçikletës së vëllait, e cila, sipas tij, nuk kishte dëmtime, ndonëse pretendohej se Hysen Dervishi ishte aksidentuar teksa po lëvizte me të.

Ai ka shprehur habinë se si është pretenduar se vëllai i tij ishte aksidentuar, kur biçikleta kishte mbetur, sipas tij, e padëmtuar./Telegrafi/

Komentet

Bëhu i pari që komenton!

Lini një Koment të Ri

Për t'u përgjigjur një komenti specifik, kliko butonin 💬 Përgjigju poshtë atij komenti.

🔒 Komenti juaj do të publikohet pas miratimit nga moderatori.