Nga mesnata shtrenjtohet karburanti në Mal të Zi: benzina +2 cent, dizeli +1 cent

Të gjitha llojet e karburanteve në Mal të Zi shtrenjtohen nga mesnata, siç njofton Televizioni i Malit të Zi (RTCG), duke iu referuar çmimeve maksimale të shpallura nga Ministria e Energjisë dhe Minierave.

Sipas vendimit të ri, i cili hyn në fuqi me 6 tetor, të dy llojet e benzinës rriten me dy centë për litër: Eurosuper 98 shitet me 1,81 euro për litër, ndërsa Eurosuper 95 arrin 1,77 euro për litër. Eurodizeli shtrenjtohet me një cent dhe arrin 1,96 euro për litër.

Nga rritja bën përjashtim vetëm vaji i ngrohjes (lož ulje), çmimi i të cilit ulet me katër centë, duke zbritur në 1,98 euro për litër, sipas raportimit të RTCG-së.

Ministria shpjegon se çmimet u llogaritën sipas vendimit të qeverisë për uljen e akcizës: akciza u ul me 25 për qind për benzinën dhe me 15 për qind për eurodizelin, çka zbuti pjesërisht efektin e shtrenjtimit.

Llogaritja e radhës së çmimeve do të bëhet më 12 tetor, ndërsa çmimet e reja do të vlejnë nga 13 tetori, bën me dije ministria.