Nick Cannon shtrohet në spital për ndërlikime të lupusit: lutuni për mua
Prezantuesi 46-vjeçar postoi foto nga shtrati i spitalit dhe kërkoi lutjet e fansave, ndërsa lufton sëmundjen autoimune që nga viti 2012
Nick Cannon ndodhet në spital, ndërsa vijon betejën e tij me lupusin. Prezantuesi 46-vjeçar i “The Masked Singer” publikoi të premten, më 20 nëntor, një foto nga shtrati i spitalit, ku shfaqet me maskë, duke u kërkuar ndjekësve të tij lutje. “Pray for me y’all” (Lutuni për mua), shkroi ai në Instagram, duke e shoqëruar postimin me hashtagun “Lupus Warrior”, siç raporton Just Jared.
Cannon u diagnostikua me lupus në vitin 2012, pasi u përball me probleme serioze shëndetësore, mes tyre dështim të veshkave dhe mpiksje gjaku në mushkëri. Që atëherë, sëmundja autoimune ka qenë pjesë e përditshmërisë së tij, duke e detyruar të ndryshojë rrënjësisht mënyrën e jetesës.
Në një intervistë të shtatorit për Us Weekly, ai rrëfeu se diagnoza ia ndryshoi plotësisht jetën. Cannon tha se e mban sëmundjen nën kontroll me ushqim të kujdesshëm, pushim të mjaftueshëm dhe stërvitje dy herë në ditë. “Stërvitem për të qëndruar gjallë”, u shpreh ai.
Prezantuesi i njohur është baba i 12 fëmijëve me gjashtë gra, ndërsa fansat dhe kolegët e tij kanë vërshuar me mesazhe mbështetjeje pas postimit të tij nga spitali. I urojmë shërim të shpejtë dhe rikthim sa më të shpejtë në skenë.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.