Nis Asambleja e PS-së, Rama: Na duhet një parti e ripërtërirë fizikisht

Një ndër organet më të rëndësishme vendimarrëse në Partinë Socialiste, siç është Asambleja Kombëtare, është duke zhvilluar punimet e saj, ku pritet që të shyrtohen ndryshimet në statut dhe debate me deputetin , Ben Blushi për zgjedhjet për kryetarin e PS-së. Blushi është parë të hyjë në mbledhje , duke u takuar me disa kolegë të majtë.

Në rend të dites  është diskutimi për zgjedhjet e reja në parti,  rinovimin e strukturave dhe anëtarësimet e reja ne parti.

“Na duhet një PS e riformuar dhe e ripërtërirë fizikisht dhe riorganizuar terriotorialisht dhe e transformuar rrënjësisht në përbërjen e saj sociale. Një PS aktive me çdo komunitet dhe grup interesi dhe ndërvepruese.  Reformat tona kanë hapur një rrugë të re në një përpjetë shumë të vështirë ku asnjë forcë tjetër veç PS nuk mund ta mbajë barrën e lidershipit pasi e përpjeta e vështirë do të bëhet më e përpjetë pasi llumi i baltës kundër nesh nuk do të vijë duke u ulur, por duke u rritur.  Parti politike, tribuna mediatike të rreshtuara kundër për arsye të qarta apo të paqarta. Grupe interesi jolegjitime të prekura nga reformat. Individë që i bashkohen këtij fronti natyrshëm do të duan të na zbrapsin ndërkohë do vazhdojmë përpara të qeverisim me kurajo e vendosmëri duke zbatuar programin tonë të reformave dhe fuqizuar forcën tonë të udhëheqjes”, tha Rama në hapje të Asamblesë.