Një ushtar i vrarë dhe 15 të plagosur në lindjen separatiste

Një ushtar u vra dhe 15 të tjerë u plagosën në lindjen separatiste proruse të Ukrainës këto 24 orët e fundit, pavarësisht armëpushimit, njoftuan sot autoritetet ukrainase.

Ushtari u vra nga një e shtënë me snajper në aeroportin e Donetskut, një pikë e nxehtë ku trupat ukrainase dhe separatistët prorusë vazhdojnë përplasjet prej disa muajsh.

Rreth 15 ushtarë të tjerë u plagosën në rethana të ndryshme ndërkohë që ushtria ukrainase ka vendosur artilerinë dhe armë të lehta në disa pozicione.

Dje, autoritetet ukrainase njoftuan vdekjen e pesë ushtarëve dhe 31 të plagosur, 15 prej të cilëve civilë.

Ata denoncuan gjithashtu hyrjen që nga Rusia të dhjetëra tankeve, trupave dhe pajisjeve ushtarake në lindje të territorit ukrainas.