NJU JORK – Burnham takohet me Von der Leyen, diskutojnë planin “Made in Europe”

NJU JORK, 23 shtator /ATSH-DPA/- Kryeministri britanik Andy Burnham u takua me presidenten e Komisionit Evropian, Ursula von der Leyen në Nju Jork, gjatë Asamblesë së Përgjithshme të OKB-së.

Burnham shprehu shqetësimin se plani i BE-së “Made in Europe”, që synon të mbrojë prodhuesit evropianë nga konkurrenca e lirë kineze, mund të dëmtojë edhe kompanitë britanike.

Plani parashikon që kontratat dhe ndihmat financiare nga BE-ja t’u jepen kryesisht kompanive, që prodhojnë brenda vendeve të BE-së.

Kjo mund të prekë kompanitë britanike, që kanë lidhje të ngushta me fabrikat dhe furnizuesit në Evropë.

Burnham tha se Britania e Madhe nuk duhet të shihet si kundërshtare e BE-së dhe kërkoi që masat e reja të mos shkaktojnë dëme të panevojshme për industrinë britanike.

Gjatë takimit, dy liderët diskutuan bashkëpunimin për sigurinë e Evropës; luftën në Ukrainë dhe kërcënimet nga Rusia; migracionin e paligjshëm; konkurrencën nga tregjet globale dhe sigurinë e inteligjencës artificiale.

Von der Leyen tha se pret me interes samitin e ardhshëm BE-BM, ku synohet forcimi i bashkëpunimit mes palëve. /