Nxehtësia shtyn evropianët drejt kondicionerëve të prodhimit kinez

Valët e nxehtësisë që përfshinë Evropën i kanë shtyrë shumë banorë të kërkojnë zgjidhje të reja për ftohje. Perëndimi i kontinentit regjistroi qershorin më të nxehtë të dëshmuar dhe në disa qytete të Gjermanisë temperaturat kaluan 40°C, ndërsa parashikohet që verës t’i shtohen edhe episode të tjera me temperatura të larta.

Raporton bbc.co se, për shembull, inxhinieri gjerman 36-vjeçar Steven Scholtysek nga qyteti i Hamelinit, pas zhvendosjes në një apartament nën çati — të njohur për mbinxehjen — gjeti një kondicioner portativ tip “split” të kompanisë kineze Midea, të cilët janë projektuar që të plotësojnë kërkesat evropiane për instalim pa ndërhyrje të mëdha. Ky rast pasqyron edhe një trend më të gjerë: në Evropë pronësia e kondicionerëve ka qenë historikisht e ulët, ndërsa modelet tradicionale që kërkojnë gërmime për instalim nuk përshtaten lehtësisht me banesat evropiane dhe me rregullat e ruajtjes historike.

Prodhuesit kinezë po përfitojnë nga rritja e kërkesës. Midea i tha medias kineze Global Times se shitjet e saj u rritën mbi 70% vjet më vjet në vende si Franca, Spanja, Gjermania dhe Mbretëria e Bashkuar, megjithëse zyra e kompanisë në Evropë nuk konfirmoi shifrat; TCL njoftoi po ashtu për rritje të forta, deri mbi 300% në Francë sipas të njëjtës media, ndërsa Gree raportoi një interes të shtuar dhe shumë blerës të rinj këtë sezon.

Një shembull tjetër i kursit drejt kondicionerëve vjen nga Vjena, ku banori Denis Yurchak thotë se gjatë valës së nxehtësisë e la pajisjen të ndezur pothuajse gjithë kohën për të përballuar temperaturat e larta.

Megjithatë, përdorimi masiv i kondicionerëve ka edhe anët e veta negative dhe paraqet sfida për konsum të energjisë dhe infrastrukturën e rrjetit, raporton bbc.co.