Operacioni “Target Group” në Shkodër, zbulohet bazë droge në banesën me qira, arrestohen dy të rinj

Policia e Shtetit ka zbuluar një ambient të marrë me qira në Shkodër i cili shërbente për fshehjen dhe përgatitjen e lëndëve narkotike për shitje ndërsa

Policia e Shtetit ka zbuluar një ambient të marrë me qira në Shkodër i cili shërbente për fshehjen dhe përgatitjen e lëndëve narkotike për shitje ndërsa ka arrestuar dy të rinj dhe ka shpallur në kërkim bashkëpuntorin e tyre.

Gjatë operacionit të koduar “Target Group” u arrestuan në flagrancë dy shtetas: N. F., 18 vjeç dhe K. Z., 20 vjeç, të dy banues në Shkodër pasi u kapën në lagjen “Manush Alimani”, me doza të dyshuara kokainë dhe Cannabis Sativa, të cilat i posedonin me qëllim shitjen, kryesisht tek moshat e reja.

Në kuadër të operacionit u shpall në kërkim edhe bashkëpunëtori i tyre, shtetasi L. A., 23 vjeç, banues në Shkodër, i cili kishte marrë me qira ambientin ku fshihej dhe përgatitej lënda narkotike në doza për shitje.

Gjatë kontrolleve u sekuestruan sasi lënde narkotike kokainë dhe Cannabis Sativa, qese farmaceutike për paketim, 5 peshore elektronike, 2 celularë, 1 armë e ftohtë (shkop metalik), 1 motomjet i përdorur për veprimtarinë kriminale, si dhe një shumë parash e dyshuar e përfituar nga aktiviteti i paligjshëm.

Vijon puna për kapjen e shtetasit në kërkim dhe për dokumentimin e plotë të kësaj veprimtarie kriminale, ndërsa materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër për veprime të mëtejshme hetimore.