Opozita bllokoi foltoren, Peleshi kalon seancën në votim direkt pas tensioneve në Parlament

Pasi deputetët e opozitës bllokuan foltoren dhe shkaktuan tensione në Parlament, ndërsa Flamur Noka i hoqi mikrofonin kreut të grupit parlamentar të PS-së, Taulant Balla, kryetari i Kuvendit, Niko Peleshi, njoftoi se seanca do të kalonte drejtpërdrejt në votim.

Për shkak se sistemi elektronik ishte dëmtuar, Peleshi tha se votimi do të bëhej me kartonë.

Ndërkohë, deputetët e PD-së përmbysën karriget e tyre dhe u mblodhën te foltorja, duke i rënë tavolinave dhe duke thirrur: “Ju erdhi fundi dhe Parlamenti i krimit!”.

Flamur Noka bashkë me disa deputetë të tjerë u ngritën për tu marrë kartat e votimit deputetëve të PS-së.