Opozita zbret në teren/ Basha takon aleatët, platformë për rifuqizimin e ekonomisë
2 muaj nga shpërthimi i pandemisë se Covid 19, Lulzim Basha zbriti në terren për te parë nga afër situatën me te cilën përballet biznesi.
Ne pamjet e shpërndara nga selia blu, kryetari demokrat dukej se ishte përshtatur më se miri rregullave te reja te komunikimit.
“Xhiro ka rënë me 70 %. Janë siguracionet që duhen paguar muaj për muaj, që është barrë e madhe. Duhen paguar ujë, drita, tarifa jonormale që vazhdojnë akoma. Nuk pretendojmë për fitime, pretendojmë të mbijetojmë”.
Tregtarët iu ankuan kryetarit demokrat jo vetëm për rënien e shitjeve, por edhe faturat afrofe te dritave dhe ujit, edhe pse biznesi i tyre ka qenë i mbyllur.
“Ka sjellë 320 mijë lekë dritat, 68 mijë lekë ka bërë uji. Hosteli është mbyllur. Unë muajin që kam pasur më shumë pune në gusht, e kam pas 170, tani që është mbyll e ka pru 320 mijë”- tha pronari i një biznesi në rrugën tregtare “Myslym Shyri” në Tiranë”.
Lulzim Basha i kërkoi qeverisë te kthejë vëmendjen menjëherë ndaj biznesit me ndihma konkrete.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.