Pamje të rënda/ Librazhd, makina rrëshqet dhe përplaset me furgonin e pasagjerëve

Një person është plagosur rëndë, mesditën e sotme në Librazhd, si pasojë e një aksidenti automobilistik. Mësohet se një automjet ka rrëshqitur për shkak të lagështirës në rrugë dhe është përplasur me një furgon pasagjerësh.

Sipas dëshmitarëve nga vendi i ngjarjes, drejtuesi i autoveturës është plagosur rëndë dhe është në gjendje kritike. I plagosuri, identiteti i të cilit nuk bëhet i ditur, u transportua me ambulancë në spital, ku po merr ndihmën e nevojshme mjekësore.

‘Jeta osh Qef’ ka publikuar pamje të rënda nga vendi i ngjarjes, ku i plagosuri duket i shtrirë në anë të rrugës.