Osmani: Anëtarësimi në Partneritetin për Paqe t`i paraprijë atij në NATO

Në njoftimin nga presidenca thuhet, se këto komente Osmani, i bëri gjatë një takimi me një delegacion nga Parlamenti Federal i Mbretërisë së Belgjikës në Asamblenë Parlamentare të NATO-s, të kryesuar nga Theo Francken.

Sipas presidentes Osmani, Kosova është e përkushtuar në përmbushjen e obligimeve të saj si partnere në promovimin e sigurisë dhe stabilitetit rajonal.

“Një pjesë e takimit iu kushtuar edhe mundësive të bashkëpunimit ndërparlamentar dhe fusha të ndryshme me interes të përbashkët”, thuhet në njoftim.

Tutje thuhet se Osmani ka falënderuar delegacionin për mbështetjen dhe përkushtimin e Belgjikës në misionin e NATO-s dhe partneritetin e saj me Kosovën.