Pakistani do të vazhdojë të ndërmjetësojë bisedimet e paqes SHBA-Iran

Pakistani do të vazhdojë të ndërmjetësojë bisedimet e paqes midis Shteteve të Bashkuara të Amerikës dhe Iranit, tha sot ministri i Jashtëm, Ishaq Dar.

Negociatat, të mbajtura në Islamabad me zyrtarë pakistanezë që vepronin si ndërmjetës, nisën dje, por përfunduan pa një marrëveshje.

“Pakistani ka luajtur dhe do të vazhdojë të luajë rolin e tij për të lehtësuar angazhimin dhe dialogun midis Republikës Islamike të Iranit dhe Shteteve të Bashkuara të Amerikës në ditët në vijim”, tha Dar në një deklaratë.

“Është e domosdoshme që palët të vazhdojnë të mbështesin angazhimin e tyre për armëpushim”, shtoi ai.

“Shpresojmë që të dy palët të vazhdojnë me frymën pozitive për të arritur paqe dhe prosperitet të qëndrueshëm për të gjithë rajonin dhe më gjerë”, tha ai. //a.i/