Palm Beach riemëron aeroportin në nder të presidentit Trump

Palm Beach në Florida riemërtoi aeroportin e saj në nder të presidentit Donald Trump të enjten. Riemërtimi i Aeroportit Ndërkombëtar të Palm Beach në Aeroporti Ndërkombëtar i Presidentit Donald J. Trump ishte një gjest mbështetjeje për presidentin, i cili ka zgjedhur Floridën, shtetin ku ndodhet resorti i tij në Mar-a-Lago, si shtëpinë e tij.

“Nuk mendoj se ka ndonjë person tjetër në të gjithë Floridën që është më i lidhur me Palm Beach sesa Donald Trump”, tha një nga djemtë e tij, Eric Trump, në një intervistë me Fox News.

Që kur u kthye në Shtëpinë e Bardhë në janar 2025, emri i Trump i është dhënë një klase të planifikuar anijesh luftarake, një programi vizash për të huajt e pasur, një faqe interneti qeveritare për ilaçet me recetë dhe llogari kursimi federale për fëmijë.Emri i tij iu shtua gjithashtu ndërtesës së Institutit të Paqes të Shteteve të Bashkuara, por gjykatat e hodhën poshtë përpjekjen e tij për të riemërtuar Qendrën John F. Kennedy për Artet Performuese.

Eric Trump dhe familja e tij ishin në një aeroplan privat në fluturimin e parë që u ul në Aeroportin Ndërkombëtar të Palm Beach, i cili sapo u riemërua, herët sot.

“Nuk kishte asnjë mënyrë në botë që unë të lejoja që UPS të ishte aeroplani i parë që do të ulej”, tha Eric Trump në një intervistë në “Fox & Friends”.Riemërtimi kushtoi 5.5 milionë dollarë, thanë burimet e aeroportit. Aeroporte të tjera janë emëruar sipas ish-politikanëve, siç është Little Rock, Arkansas, i cili u riemërua “Aeroporti Bill dhe Hillary Clinton”. Emra të ish-senatorëve u janë dhënë gjithashtu aeroporteve në Las Vegas dhe San Jose, Kaliforni.