Papa Leo lutet për viktimat e tërmetit në Venezuelë, BE dërgon ndihmë emergjente

Papa Leo shprehu solidaritetin e tij me qytetarët e Venezuelës, të cilët po përpiqen të përballojnë ndikimin shkatërrues të dy tërmeteve të njëpasnjëshëm.

“Dua të shpreh lutjet e mia për motrat dhe vëllezërit në Venezuelë që janë prekur nga tërmetet e fundit, të cilat kanë shkaktuar shumë viktima dhe lëndime”, tha Papa, duke folur në spanjisht, përpara lutjes së së dielës në Romë.

Përpara se të zgjidhej papë, Leo kaloi dekada si misionar dhe peshkop në Peru, një vend spanjishtfolës. Ai po planifikon një turne të madh në Amerikën Latine jugore në nëntor, që do të përfshijë Perunë, Argjentinën dhe Uruguain.

Papa shprehu gjithashtu mirënjohjen e tij për ekipet e shpëtimit dhe të gjithë ata që po ndihmojnë qytetarët e Venezuelës pas tërmeteve.

Në të njëjtën kohë, shefja e politikës së jashtme të Bashkimit Evropian, Kaia Kalas, tha në një postim në X se BE-ja ka mbledhur 5 milionë euro për ndihmë emergjente për komunitetet e prekura në Venezuelë.

Kallas tha se foli me presidenten e përkohshme të Venezuelës, Delcy Rodriguez, për të shprehur mbështetjen e Evropës për popullin e vendit të saj.

“Ne kemi aktivizuar Mekanizmin Evropian të Mbrojtjes Civile, me disa shtete anëtare që po vendosin me shpejtësi ekipet e kërkim-shpëtimit, zjarrfikësit dhe personelin mjekësor”, theksoi Kallas.