Papa Leoni XIV emëron Ati Flavio Cavallinin Administrator Apostolik të Shqipërisë së Jugut

Papa Leoni XIV ka emëruar Atë Flavio Cavallinin në detyrën e Administratorit Apostolik të Shqipërisë së Jugut.

Atë Flavio Cavallini, i lindur në Verona të Italisë, ka shërbyer në Shqipëri që nga viti 1993. Ai ka udhëhequr për tre mandate Provincën Françeskane Shqiptare.

Që nga viti 2015, Ati Flavio jeton në Kuvendin Françeskan të Tiranës dhe i kushtohet formimit biblik të laikëve dhe katekistëve. Po ashtu, prej fillimit të vitit 2015 shërben si famullitar pranë Kishës së Shën Antonit në Tiranë.