Para europiane, 10 milionë euro për bashkëpunim Maqedoni – Kosovë

Dhjetë milionë euro, nga IPA fondet evropiane janë ndarë për bashkëpunim ndërkufitar për komunat, OJQ-të, dhe shoqatat e biznesit nga Maqedonia dhe Kosova. Me nënshkrimin e  memorandumit nidis dy vendeve, në Shkup,  para pak ditesh,  janë krijuar kushte formale për fillimin e zbatimit të Programit IPA, për bashkëpunim ndërkufitar mes dy vendeve.

Nga ana e Maqedonisë do të mund të aplikojnë rajoni i Shkupit, ai verilindor dhe rajoni i Pollogut. Projektet do të ndihmojnë në rritjen e konkurrencës, zhvillimin e ndërmarrjeve të vogla dhe të mesme, rritjen e tregtisë dhe investimeve, por edhe në inkurajimin e turizmit dhe mbrojtjen e trashëgimisë kulturore, asaj natyrore, si dhe mjedisit jetësor.