Parlamenti miraton buxhetin e shtetit për 2015-ën

Me 155 vota pro, 134 kundër dhe me një abstenim nga 290 deputetë, parlamenti grek miratoi dje në mbrëmje vonë buxhetin e shtetit për vitin 2015.

Në favor votuan dy partitë që përbëjnë koalicionin ”Demokracia e re” e kryeministrit, Antonis Samaras dhe PASOK-u e zëvendëskryeministrit, Evangjelos Venizelos.

Pas pak orësh, Greqia do të përballet me eurogrupin për të kërkuar një zgjidhje në negociatat mes qeverisë dhe trojkës (FMN – BE – BQE).

Debati parlamentar për buxhetin u shoqërua me një klimë tensioni dhe me një paqartësi politike të përbashkët në përballjen me donatorët ndërkombëtarë si edhe për çështjen e zgjedhjes së presidentit të republikës, për të cilin opozita nuk jep konsensus me qëllimin e mbajtjes së zgjedhjeve të parakohshme.

Samaras deklaroi se ishte i bindur se buxheti do të miratohej, ndërkohë që akuzoi liderin e SYRIZA-s, Aleksis Cipras se kërkonte shkeljen e kushtetutës për çështjen e zgjedhjes së presidenti