Pas 4 ditësh kërkimesh, gjenden trupat e 4 zhytësve italianë në Maldive

Qeveria e Maldiveve njoftoi mesditën e kësaj të hëne se janë gjetur trupat e katër zhytësve italianë që vdiqën javën e kaluar.

Një trup, që i përkiste një anëtari të pestë të grupit, ishte gjetur tashmë pas incidentit të së enjtes.

Detajet rreth operacionit dhe kohës së tërheqjes së tyre nuk janë njoftuar ende.

Pesë zhytësit me përvojë, një profesoreshë e biologjisë detare, vajza e saj, dy studiues të rinj dhe instruktori i tyre, humbën jetën ndërsa u zhytën në një shpellë nënujore në Maldive.

“Trupat u nxorën nga një shpellë afërsisht 60 metra e thellë. Vlerësohet se edhe zhytësit e mbetur do të dalin nga shpella, e cila është afërsisht 61 metra e gjatë”, thuhet në deklaratë.

Kujtojmë se të shtunën, një zhytës i MNDF-së që mori pjesë në operacion, Toger Mohamed Mahoudi, humbi jetën nga sëmundja e dekompresionit, duke çuar në një pezullim të përkohshëm të operacionit, i cili po kryhej në kushte të këqija moti.

Incidenti besohet të jetë aksidenti më i keq i zhytjes në kombin e vogël të Oqeanit Indian, një destinacion i njohur turistik për shkak të vargut të tij të ishujve koralorë.