Pas grabitjes në një argjendari në Kamëz, dy autorët janë larguar me motorr, policia njoftim zyrtar

Lidhur me grabitjen regjistruar pasditen e së mërkurës në Kamëz, bëhet me dije se dy persona ende të paidentifikuar kanë vjedhur në një argjendari. Ngjarja ka ndodhur konkretisht në zonën e Paskuqanit.

Sipas informacioneve paraprake, autorët ishin të pajisur me armë të cilën nuk e kanë përdorur, dhe më pas të dy pas grabitjes janë larguar me motorr duke marrë sende me vlerë.

Policia ndodhet në vendngjarje dhe ka nisur hetimet për identifikimin dhe kapjen e autorëve, si dhe për zbardhjen e plotë të rrethanave të ngjarjes.

Njoftimi zyrtar:

Më datë 05.08.2026, rreth orës 14:50, në Paskuqan, 2 shtetas ende të paidentifikuar, kanë hyrë në ambientet e argjendarisë në pronësi të shtetasit L. L. dhe duke kanosur punonjëset me send në dukje armë zjarri, kanë marrë një sasi bizhuterish.

Menjëherë pas marrjes së njoftimit, në vendngjarje kanë shkuar shërbimet e Policisë, të cilat kanë ngritur pika kontrolli dhe po kryejnë kontrolle për kapjen e autorëve.

Grupi hetimor po punon për fiksimin e çdo prove që do të çojë në identifikimin e autorëve dhe kapjen e tyre, si dhe dokumentimin e plotë të rastit.