Pas ndeshjes së futbollit, tregtarët serbë refuzojnë domatet në Lushnjë

Serbia ka bllokuar pa asnjë njoftim paraprak, importin e zarzavateve nga Shqipëria. Një ditë pas ndeshjes së ndërprerë në Beograd dhe valës nacionaliste që e pasoi, fermerët e Lushnjes nuk po mundin të dërgojnë prodhimet e tyre në këtë vend. Mbi 2 mijë tonë domate janë bllokuar në Këmishtaj, duke shkaktuar humbje të madhe financiare për prodhuesit vendorë.

Për shkak te motit te ngrohtë ka pasur superprodhim të perimeve, por u ka mbetur nëpër sera fshatarëve lushnjarë. Serbia është shteti kryesor, ku prodhuesit e këtij qyteti, dërgojnë apo tranzitojnë produktet.

Me Serbinë tregtarët nga Lushnja kane nje decade qe bëjnë shkëmbime tregtare, jo vetëm në perime por edhe në drithëra. Nderkohe siç raporton “Zëri i Kosovës”, vetëm gjatë një periudhe 8-mujore janar – gusht, shteti shqiptar nga Serbia, ka importuar mallra në vlerë prej 108 milionë euro. Serbia zë vendin e gjashtë për importet e Shqipërisë, edhe për këtë vit, në një liste që kryesohet nga Italia e Greqia.