Pedro zbulon “sekretin” e madh pas ndeshjes së fundit: U porpoqa të bindja Messi-n të vinte te Lazio, por…

Pas plot 5 sezonesh, Pedro i ka dhënë lamtumirën Lazio-s në ndeshjen e djeshme ndaj Pisa, ku shënoi dhe një gol në fitoren 2-1. Duke folur për kanalet zyrtare të klubit pas ndeshjes, sulmuesi spanjoll zbuloi se ishte përpjekur disa herë për të bindur ish-shokë të skuadrave të mëparshme që të transferoheshin te Lazio.

“Gjithmonë kam provuar. Edhe me Messin, padyshim që nuk ishte e lehtë (qesh). Pastaj Jordi Alba dhe De Gea, kur ishin agjentë të lirë. Gjithashtu mbaj mend që fola me Marc Bartra-n me Sarrin. Dhe me David Luiz. Do të doja shumë t’i lija të përjetonin pasionin e tifozëve lazialë”, tha Pedro.

Duke ditur përplasjet e vazhdueshme që tifozët e Lazio-s kanë pasur vitet e fundit me presidentin Claudio Lotito, Pedro bëri thirrje për unitet, nëse duan që klubi i tyre të jetë i suksesshëm.

“Gjëja e parë është të gjejmë përsëri unitetin midis skuadrës, tifozëve dhe klubit, të gjithë duke tërhequr në të njëjtin drejtim. Jam i sigurt se brenda pak vitesh Lazio do të kthehet për të fituar trofe dhe për të luftuar për Evropën. Dhe shpresoj të kthehem një ditë për të ndihmuar”, shtoi Pedro.