Peleshi dhe Donald Lu në aktivitetin Dita e Amerikës në Korcë
Në qytetin e Korcës është fëstuar Dita e Amerikës si një risi për qytetin jug-lindor të vendit, ku te pranishëm kane qënë ministri i Bujqësisë dhe Zhvillimit Rural, Niko Peleshi dhe ambasadori i SHBA-së në Tiranë, Donald Lu.
Në një postim në statusin e tij Facebook, ministri Peleshi shprehet:“Dita e Amerikës-një event fantastik në kujtim të shumë emigrantëve korçarë, të vjetër dhe të rinj, që i dhanë Korçës një lidhje të fortë shpirtërore me Amerikën”.
Më tej, Peleshi shprehet se “Ekspozimi i letrave dhe fotografive të kurbetlinjve, gatimet dhe muzika amerikane, historitë e ndara me vizitorët e shumtë nga e gjithë Shqipëria dhe sharmi i Pazarit te Vjetër, e bënë këtë fundjavë në Korçë një mrekulli. Prania e ambasadorit Lu, i shtoi vlerat kësaj fundjave te veçantë”.
Po ashtu, ministri Peleshi përgëzon Bashkine e Korcës për organizmin e eventeve të tilla në Korcë. “Përgëzime Bashkisë dhe organizatës Njerëz dhe Ide. Një model për t’u ndjekur ”, shkruan Peleshi.
