Përçahet PD në Vlorë, Meminaj: Në qëndër janë formuar klane

Zërave kundër ristrukturimit të 21 degëve të PD në të gjithë vendin dhe hapjes rrugë zgjedhjeve të brendshme, i është shtuar dhe kreu i demokratëve lokalë të  Vlorës. Moisi Meminaj thotë se me këto veprime PD do humbasë zgjedhjet e 2017, ndërkohë që shton se nuk do të dorëhiqet.

“Riorganizim i Çorganizuar”, me këto dy fjalë e ka emërtuar vendimin e kreut të opozitës Lulzim Basha për riorganizimi të strukturave drejtuese në 21 degë,  kreu i PD së Vlorës.

Moisi Meminaj thotë se me këtë veprim, PD do jetë humbëse e zgjedhjeve të 2017, ndërsa me tone kritike thotë se në qendër janë formuar klane që punojnë për interesa personale.

“Pas konsultimeve me struktrat e partisë në bazë konkuldojmë se riorganizimi i PD në disa degë është antistatuor. Riorganizmi është selektiv, i pakonsultuar me strukturat, por thjesht  bëhet me interesa të ngushte klienteliste. Për më tepër në prag të zgjedhjeve parlamentare që është vetëvrasje e PD” shprehet kreu i demokratëve të Vlorës.

Meminaj deklaron se nuk do të dorëhiqet por do të qëndrojë në krye të PD-së së degës pasi  sic thotë, postin e ka falë votebesimit të anëtarësisë së Vlorës.