Përfaqësuesit e Malit të Zi nuk ishin në sallën e Asamblesë së OKB-së kur foli Netanjahu

Përfaqësuesit e Malit të Zi nuk ishin të pranishëm në sallën e Asamblesë së Përgjithshme të Kombeve të Bashkuara gjatë fjalimit të kryeministrit izraelit Benjamin Netanyahu, konfirmoi Ministria e Punëve të Jashtme e këtij vendi për të përditshmen Vijesti.

Netanyahu doli para Asamblesë së Përgjithshme të OKB-së në Nju-Jork të enjten, ku, ashtu si vitin e kaluar, një numër i madh delegatësh lanë sallën në shenjë proteste. Kryeministri izraelit mbrojti ashpër aksionet ushtarake të Izraelit në Iran, në Rripin e Gazës dhe në pjesë të tjera të Lindjes së Mesme.

“Do të fitojmë. Nuk kemi zgjidhje tjetër”, tha ai para trupit botëror, duke hedhur poshtë edhe një herë akuzat se Izraeli ka kryer dhe po kryen gjenocid në Gazë, transmetoi BBC. Pas largimit të delegatëve, Netanyahu nuk u kursye në tone: “Nëse ka ende ndonjë frikacak moral që nuk ka dalë nga salla, i kërkoj ta bëjë tani”, deklaroi ai.

Viti i kaluar kishte sjellë një skenë ndryshe: delegati i Malit të Zi kishte qëndruar atëherë në sallë gjatë fjalimit të Netanjahut. Ministria e Punëve të Jashtme kishte sqaruar atëkohë se në sallë ndodhej një praktikante, e cila po ndiqte teknikisht fjalimet.

Burimi: Vijesti