Kosova
Përleshja në Kuvend, Prokuroria nis hetimet për vepër penale “Sulmi”
Prokuroria Themelore në Prishtinë, nëpërmjet një njoftimi bënë të ditur se Prokurori i Shtetit ka iniciuar hetime në drejtim të veprës penale “Sulmi”, sipas KPRK-së, lidhur me incidentin i cili ka ndodhur gjatë ditës së sotme në Kuvendin e Kosovës.
![](https://24-ore.com/wp-content/uploads/2023/07/IMG_3548-780x470.jpeg)
Njëherësh në njoftim thuhet se prokuroria ka autorizuar policinë në ndërmarrjen e të gjitha veprimeve të nevojshme hetimore, përfshirë po ashtu marrjen e deklaratave të palëve të përfshira në këtë rast.
“Prokuroria në koordinim të plotë me Policinë e Kosovës, do t’i ndërmerre të gjitha veprimet konform dispozitave ligjore të KPPRK-së, deri në sqarimin e plotë të çështjes në fjalë”, thuhet në njoftimin e Prokurorisë Themelore në Prishtinë.
Ndryshe, sot në seancën e Kuvendit derisa kryeministri Kurti po fliste në Kuvend për çështjen e veriut, ndaj tij u hodh ujë nga deputeti i PDK-së, Mërgim Lushtaku, gjë që shkaktoi përleshje fizike mes deputetëve dhe ministrave të pranishëm në Kuvend.