Përmbytet sërish Rruga e Arbrit në Bulqizë, uji mbulon rrugën dhe rrezikon drejtuesit e mjeteve
Reshjet e dendura të shiut gjatë mbrëmjes së kaluar kanë shkaktuar probleme në Rrugën e Arbrit, në segmentin që lidh dy lagje të qytetit të Bulqizës.
Reshjet e dendura të shiut gjatë mbrëmjes së kaluar kanë shkaktuar probleme në Rrugën e Arbrit, në segmentin që lidh dy lagje të qytetit të Bulqizës, siç njofton BalkanWeb.
Sasia e madhe e ujit të akumuluar, që vjen nga zona e Qafës së Buallit, si dhe bllokimi i kanaleve kulluese anësore, bënë që rruga të mbulohet nga uji, duke vështirësuar qarkullimin dhe krijuar rrezik për drejtuesit e automjeteve.
Drejtuesit e mjeteve këshillohen të tregojnë kujdes të shtuar, të reduktojnë shpejtësinë dhe të lëvizin me kujdes në këtë segment.
Problemi i përmbytjes së këtij aksi përsëritet sa herë ka reshje intensive shiu; kanalet kulluese nuk arrijnë të përballojnë prurjet e mëdha të ujit që grumbullohen nga të dyja anët e luginës së Bulqizës dhe problemi i kullimit vijon të mbetet i pazgjidhur.



Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.