Pikat kryesore të fjalimit të Trump drejtuar kombit
Presidenti amerikan, Donald Trump mbajti dje fjalimin e tij të parë drejtuar kombit, në Kongresin amerikan, ku paraqiti objektivat kryesore të mandatit të tij.
Më poshtë vijojnë pikat kryesore të fjalimit:
Uniteti
”Të gjithë amerikanë, kryesisht republikanët dhe demokratët, duhet të lënë mënjan mosmarrëveshjet në kërkim të një terreni mirëkuptimi dhe një uniteti që nevojitet për të arritur rezultate”.
Ekonomia
”Bursat kanë thyer rekordet njëri pas tjetrit. Për shumë vite, sipërmarrjet dhe vendet e punës vetëm largoheshin nga vendi. Por tani, po rikthehen fuqishëm”.
Infrastruktura
”Do të ndërtohen rrugë të reja, ura, autostrada, hekurudha dhe rrugë të lundrueshme në të gjithë vendin me një plan investimesh prej të paktën 1 500 miliardë dollarë për zhvillimin e këtyre rrjeteve të vjetëruar”.
Imigracioni
”Kufijtë e hapur kanë mundësuar që të hyjë droga dhe gangsterët, kanë mundësuar që miliona amerikanë të varfër të humbasin vendet e punës si dhe kanë marrë shumë jetë të pafajshme. Një paln për natyralizimin e 1,8 milionë klandestinëve ilegalë i është paraqitur kongresit në këmbim të financimit të murit në kufirin meksikan”.
Kombet rivale
”Vendet rivale të SHBA-së si Kina dhe Rusia kërcënojnë sigurinë, ekonominë dhe vlerat amerikane. Kongresi duhet të miratojë fondet e nevojshme për ushtrinë, kryesisht për modernizimin e arsenalit bërthamor për të bërë aq të fuqishëm që do të zmbrapsë çdo lloji agresioni”.
Guantanamo
”Kam firmosur një dekret ku urdhërohet ministri i Mbrojtjes, James Mattis për të rishqyrtuar politikën tonë të burgosjes ushtarake dhe të mbajtjes hapur të burgut në Gjirin e Guantanamos”.
Irani
”Amerika qëndron në krah të popullit iranian në luftën e tij të guximshme për liri. Kongresi duhet të zgjidhë problemet themeltare të marrëveshjes bërthamore iraniane”.
Koreja e Veriut
”Asnjë regjim nuk i ka shtypur qytetarët e tij kaq ashpër sa diktatura mizore e Koresë së Veriut. Përpjekja e rrezikshme për prodhimin e raketave bërthamore nga Pheniani mundet shumë shpejt të kërcënojë territorin amerikan”.
