Prangoset për rrëmbim fëmije, taksisti nga Elbasani: E ngatërrova me djalin e kunatit

Një ngjarje e rëndë ka ndodhur mbrëmjen e djeshme në Elbasan. Një taksist ka tentuar të rrëmbejë një fëmijë. Kanë qenë prindërit e fëmijës, të cilët kanë denoncuar në polici rrëmbimin e tij.

Me të marrë denoncimin, policia është vënë menjëherë në lëvizje, duke kapur dhe shoqëruar taksistin Sami Meta, 55 vjeç.

Ndërkohë, taksisti 55-vjeçar ka deklaruar para uniformave blu se nuk kishte pasur qëllim rrëmbimin e fëmijës, por se e kishte ngatërruar atë me djalin e kunatit. “E ngatërrova me djalin e kunatit”, mësohet të ketë thënë taksisti.