Presidenti katalanas dekreton referendumin për pavarësinë

Presidenti katalanas, Artur Mas dekretoi sot zhvillimin më 9 nëntor të një referendumi për pavarësinë e këtij rajoni të pasur të Spanjës duke sfiduar qeverinë e Madridit që kërkon të pengojë këtë referendum.

Qeveria spanjolle ka parashikuar të mblidhet të hënën për të apeluar në Gjykatën Kushtetues kundër këtij referendumit që sipas saj shkel Kushtetutën.

Kjo masë do të anulojë automatikisht dekretin për zhvillimin e referendumin nënshkruar zyrtarisht nga Artur Mas në pallatin Generalitat.